Articles by "ضرب عضب"
‏ضرب عضب لیبل والی اشاعتیں دکھا رہا ہے۔ سبھی اشاعتیں دکھائیں

at 6:56 AM 0

شمالی وزیر ستان: پاک افغان سرحد کے قریب سیکیورٹی فورسز کی جانب سے کی گئی فضائی کارروائی میں 25 دہشت گرد ہلاک ہو گئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کی جانب سے پاک افغان سرحد کے قریب شمالی وزیرستان کی تحصیل دتہ خیل میں فضائی بمباری کی گئی جس کے نتیجے میں 25 دہشت گرد ہلاک ہوئے۔

واضح ر ہے کہ گزشتہ برس دہشت گردوں کے خلاف شروع کئے گئے آپریشن ضرب عضب میں اب تک متعدد دہشت گرد ہلاک جب کہ ان کے درجنوں ٹھکانے بھی تباہ ہو چکے ہیں۔
مزید پڑھیں »

at 6:06 AM 0
اسلام آباد: آرمی چیف جنرل راحیل شریف نے وزیر اعظم نواز شریف سے ملاقات کی ہے جس میں کراچی آپریشن اور آپریشن ضرب عضب پر تبادلہ خیال کیا گیا۔

وزیر اعظم ہاؤس کے ترجمان کے مطابق پاک فوج کے سربراہ جنرل راحیل شریف نے وزیراعظم نواز شریف سے ملاقات کی، اس موقع پر ملک میں امن و امان اور سرحدوں کی صورت حال پر تفصیلی تبادلہ خیال اورا فغان امن عمل پر غور کیا گیا، ملاقات میں آرمی چیف جنرل راحیل شریف نے وزیر اعظم نواز شریف کو امریکی قومی سلامتی کی مشیر سوزن رائس اور جرمن وزیر خارجہ سے ہونے والی ملاقاتوں سے آگاہ کیا۔ انہوں نے وزیر اعظم کو دہشت گردوں کے خلاف جاری آپریشن ضرب عضب پر تفصیلی بریفنگ بھی دی اور انہیں نقل مکانی کرنیوالوں کی دوبارہ آبادکاری سے متعلق بھی بتایا۔

ذرائع کا کہنا ہے کہ وزیر اعظم نواز شریف اور آرمی چیف کے درمیان کراچی میں جرائم پیشہ افراد کے خلاف جاری آپریشن پر بھی تفصیلی بات چیت ہوئی اور اس بارت پر اتفاق کیا گیا کہ بھتہ خوروں اور دہشت گردی میں ملوث افراد کے خلاف کارروائی کو منطقی انجام تک پہنچایا جائے گا۔
مزید پڑھیں »

at 6:18 AM 0

وادی شوال: سربراہ پاک فوج جنرل راحیل شریف کا کہنا ہے کہ ہم اپنے لوگوں اور بچوں کو مارنے کی کسی کو اجازت نہیں دیں گے اور بچوں کومارنے والوں کی جس نے بھی مدد کی انہیں بے نقاب کریں گے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے 12 ہزار فٹ بلند چوٹی سے وادی شوال کا جائزہ لیا اورفوجی افسران اور جوانوں سے ملاقات کی اور دہشت گردوں کے خلاف جاری آپریشن کا جائزہ لیا۔ آرمی چیف نے وادی شوال میں اب تک ہونے والی پیشرفت پر فوجی دستوں کو سراہا اور کہا کہ وادی شوال میں موجود فوجی دستوں کا مورال بلند ہے۔

سربراہ پاک فوج نے ہدایت کی کہ دہشت گردوں کا ان کے خفیہ ٹھکانوں سمیت صفایا کرتے ہوئے ان کے سہولت کاروں سے رابطہ بھی ختم کیا جائے، آپریشن ضرب عضب کے آخری مرحلے میں دہشتگردوں کو ہر سمت سے گھیر لیا گیا ہے اوراب تک وادی شوال میں 203 دہشت گردوں کو مارا جاچکا ہے۔
مزید پڑھیں »

at 3:34 PM 0

راولپنڈی: شمالی وزیرستان اور خیبر ایجنسی میں سیکورٹی فورسز کی فضائی کارروائی کے نتیجے میں کم از کم 65 دہشت گرد ہلاک جب کہ متعدد زخمی ہوگئے۔

پاک فوج کے شعبہ تعلقات عامہ ’’آئی ایس پی آر‘‘ کے مطابق جیٹ طیاروں نے شمالی وزیرستان کے علاقے گرلمائی اور شوال میں دہشت گردوں کے ٹھکانوں کو نشانہ بنایا، کارروائی کے دوران کم از کم 50 دہشت گرد ہلاک جب کہ ان کا اسلحہ ڈپو بھی تباہ کردیا گیا۔


اس سے قبل سیکورٹی فورسز نے خیبرایجنسی میں پاک افغان سرحدی علاقے رجگال میں دہشت گردوں کے خلاف فضائی کارروائی کی، جس کے نتیجے میں 15 دہشت گرد ہلاک ہوگئے۔ کارروائی کے دوران 2 خودکش حملہ آوروں کے مارے جانے کی بھی اطلاعات ہیں۔


واضح رہے کہ گزشتہ روز بھی شمالی وزیرستان کے علاقے شوال میں سیکورٹی فورسز کی کارروائی میں 40 دہشت گرد مارے گئے تھے۔
مزید پڑھیں »
سبسکرائب کریں در: اشاعتیں (Atom)