اسلام آباد: پاکستانی وزیر اعظم نواز شریف 30 ستمبر کو اقوام متحدہ جنرل اسمبلی کے اجلاس سے خطاب کریں گے۔یہ بات دفتر خارجہ کے ترجمان قاضی خلیل اللہ نے جمعرات کو یہاں ہفتہ وار پریس بریفنگ میں بتائی۔انہوں نے بتایا کہ خطاب کو حتمی شکل دے دی گئی ہے جبکہ امریکا دورے کی دیگر تفصیلات پر کام جاری ہے۔ان کا کہنا تھا کہ پاکستان ایٹمی سپلائرز گروپ کا رکن بننا چاہتا ہے اور اس حوالےسے کوششیں کی جاری ہیں۔ترجمان نے لائن آف کنٹرول کی خلاف ورزیوں پر تشویش ظاہر کرتے ہوئے ہندوستان پر زور دیا کہ وہ دونوں ملکوں کے درمیان جنگ بندی معاہدہ کی پابندی کرے۔قاضی خلیل اللہ نے کہا کہ پاکستان الاقصی مسجد کے احاطے میں حالیہ جھڑپوں کے دوران فلسطینیوں کے خلاف اسرائیلی جارحیت کی مذمت کرتا ہے۔
Post A Comment:
0 comments so far,add yours