امریکی مواصلاتی کمپنی نے تیز ترین انٹرنیٹ براڈ بینڈ کی سروس شروع کر دی

واشنگٹن : امریکا کی معروف مواصلاتی کمپنی کامکاسٹ نے پچاس گنا تیز انٹرنیٹ براڈ بینڈ متعارف کرانے کے لیے اس کی ٹیسٹنگ شروع کردی ہے ۔ درست موڈم اور مناسب حالات کے تحت یہ کنکشن انٹرنیٹ سپیڈ دس گیگا بٹس فی سیکنڈ مہیا کرے گا ۔ اس وقت گوگل فائبر ایک گیگا بٹ فی سیکنڈ رفتار سپیڈ مہیا کر رہا ہے ۔ کامکاسٹ کا اپ گریڈ کیا گیا نیٹ ورک دو سے تین برس کے دوران مکمل ہو جائے گا ۔ نئی ٹیکنالوجی سے موجودہ کیبل نیٹ ورک کے ذریعے کام کرے گی اور اس کے لیے علیحدہ سے فائبر آپٹک لگانے کی ضرورت بھی نہیں ہوگی ۔