گرفتاری کی تاریخ سے قبل خود عدالت میں پیش ہو جاؤں گا، گیلانی

لاہور.......سابق وزیر اعظم سید یوسف رضا گیلانی نے کہا ہے کہ وہ گرفتاری کی تاریخ سے قبل خود عدالت میں پیش ہوجائیں گے، جو کچھ ہورہا ہے وفاقی حکومت کی اجازت سے ہورہا ہے۔ ایک بیان میں پیپلز پارٹی کے رہنما یوسف رضا گیلانی نے کہا کہ وہ اپنی گرفتاری کےلیے کسی کو زحمت نہیں دیں گے اور وہ لوگوں کو تجسس میں نہیں رکھنا چاہتے، وہ پہلے بھی عدالتوں میں جاتے رہے ہیں اور اب بھی جائیں گے۔ ان کا کہنا تھا کہ عدالت نے ضمانت اور حاضری سے استثنا دے رکھا تھا، وارنٹ جاری ہونا سمجھ سے بالا تر ہے۔