کچھ قوتیں سندھ میں پیپلزپارٹی کی حکومت نہیں چاہتیں،نثارکھوڑو

کراچی....... سندھ کے سنیئر وزیر برائے اطلاعات نثار کھوڑو نے کہا ہے کہ کچھ قوتیں نہیں چاہتیں کہ سندھ میں پیپلز پارٹی کی حکومت مزید قائم رہے۔ان کا کہنا ہے کہ اگر ماضی کی روش کو دہرانے کی کوشش کی گئی تو نتائج خراب نکلیں گے۔کراچی سے جاری بیان میں وزیر اطلاعات سندھ نے کہا کہ پیپلز پارٹی کرپشن کی حامی نہیں، صرف سندھ میں کرپشن کا تاثر غلط ہے اگر یہ تاثر دینے والے نظر گھمائیں تو فرشتے دوسرے بھی نہیں۔ نثار کھوڑو کا کہنا تھا کہ کرپشن کے خلاف کاروائیاں دیگر صوبوں میں بھی ہونی چاہیے۔صوبائی اداروں کے ہوتے ہوئے وفاقی اداروں کی کاروائیاں صوبائی خود مختاری کی خلاف ہیں۔انہوں نے کہا کہ سندھ کو نشانہ بنانا بند کیا جائےاگر پیپلز پارٹی کو سیاسی اور ہر میدان میں جدوجہد کی سربراہی کی سزا دی جارہی ہے تو پیپلز پارٹی گھبرانے والی نہیں۔وزیر اطلاعات سندھ کا کہنا تھا کہ اب وزیر اعظم میاں نواز شریف کے لئے امتحان ہے کہ وہ اپنے بھائی کی حکومت میں ہاتھ ڈالتے ہیں۔