گرم ہوا کے غباروں کا عالمی ریکارڈ

فرانس میں ایک ہی وقت میں 433 گرم غبارے فضا میں چھوڑ کر عالمی ریکارڈ قائم کیا گیا ہے۔

جب ان گرم غباروں کو فضا میں چھوڑا گیا تو یہ چار کلومیٹر کے علاقے تک آسمان پر دکھائی دیے۔

خیال رہے کہ اس سے قبل 391 گرم غباروں کو فضا میں چھوڑنے کا عالمی ریکارڈ بنایا گیا تھا۔

یہ ریکارڈ دو سال قبل فرانس کے مشرقی علاقے میں شانگبلے پر منایا گیا تھا۔ حالیہ ریکارڈ بھی اسی مقام پر منایا گیا ہے جس میں 40 ممالک کے شائقین نے حصہ لیا۔

رنگا رنگ غباروں کو فضا میں چھوڑنے کا یہ تہوار برطانیہ، امریکہ، جرمنی اور فرانس کے علاوہ بہت سے ممالک میں ہر سال دیکھنے کو ملتا ہے۔ جس میں لوگوں کی بڑی تعداد شرکت کرتی ہے۔