نئی دہلی :نئی دہلی میں پاکستانی رینجرز اور بی ایس ایف حکام کے درمیان ملاقات ہوئی جس میں ورکنگ باؤنڈری پر فائر بندی پر اتفاق کیا گیا۔پاکستانی رینجرز اور بی ایس ایف حکام کے درمیان چار روز سے جاری مذاکرات کا آج آخری دور ہوا ۔ آج ہونے والی ملاقات میں قیام امن کے لیے سیز فائر کی سنگین خلاف ورزیوں کی مشترکہ تحقیقات پر اتفاق اور ورکنگ باؤنڈری پر فائربندی سمیت مختلف امور پر تبادلہ خیال ہوا۔بھارتی میڈیا کے مطابق پاکستانی رینجرز کے چیف میجر جنرل عمر فاروق اور بی ایس ایف کے چیف ڈی کے پاٹھک کے درمیان یہ طے پایا ہے کہ سرحدی کشیدگی سے بچنے کے لیے دونوں موبائل فون ، ای میل اور فیکس کے ذریعے رابطے میں رہیں گے ، پاکستانی رینجرز کا وفد آج وطن واپس آ جائے گا۔
Post A Comment:
0 comments so far,add yours