لاہور: بھارت نے کھیل اور سیاست میں ہمیشہ اپنی ہٹ دھرمی کا مظاہرہ کیا اور ہاکی میں معافی کی بچکانہ شرط رکھنے کے بعد چھٹے کبڈی ورلڈکپ میں شرکت کے لیے پاکستان سے امیدیں وابستہ کرلیں۔
بھارتی پنجاب کی اسپورٹس بورڈ پنجاب کو چھٹے کبڈی ورلڈکپ میں شرکت کے لیے پاکستان کو دعوت نامہ بھیجا ہے جس میں کہا گیا کبڈی ورلڈکپ میں پاکستان مرد اور خواتین ٹیمیں بھیجی جائیں۔
کبڈی ورلڈکپ 15 سے 29 نومبر تک بھارتی پنجاب میں ہوگا جس میں 12 ممالک کے مرد اور 10 ملکوں کی خواتین ٹیمیں شرکت کریں گی۔ کبڈی ورلڈکپ کی افتتاحی تقریب جالندھر جب کہ فائنل فیروز پور میں ہوگا۔
واضح رہے گزشتہ برس دسمبر چیمپئنز لیگ کے سیمی فائنل میں پاکستان نے روایتی حریف بھارت کو شکست دے کر ٹورنامنٹ سے باہر کردیا تھا اور کھلاڑیوں نے فتح کا جشن بھرپور انداز میں منایا جو بھارت سے ہضم نہ ہوسکا اور بھارت نے پاکستان سے ہاکی کھیلنے کے لیے معافی جیسی بچکانہ شرط عائد کردی مگر اب بھارت نے کبڈی ورلڈکپ میں شرکت کے لیے پاکستان کو خود شرکت کے لیے دعوت نامہ بھیجا ہے۔
Post A Comment:
0 comments so far,add yours