آفریدی کے ہوتے ہوئے یاسرشاہ کی ٹی ٹوئنٹی ٹیم میں جگہ نہیں بنتی، مصباح الحق

لاہور: ٹیسٹ کپتان مصباح الحق کا کہنا ہے کہ میرا ٹی ٹوئنٹی اور ون ڈے سے اب کوئی تعلق نہیں لیکن شاہد آفریدی کی موجودگی میں یاسر شاہ کی ٹی ٹوئنٹی ٹیم میں جگہ نہیں بنتی۔

یاسر شاہ مختصر فارمیٹ کی کرکٹ میں بھی کامیاب بولر ثابت ہوسکتے ہیں لیکن ایک لیگ اسپنر آفریدی کے موجود ہونے کی وجہ سے ان کے لیے جگہ بننا مشکل ہے، انھوں نے کہا کہ عماد وسیم بھی اچھی آل راؤنڈ کارکردگی دکھا رہے ہیں، ٹی ٹوئنٹی میں ہمارے پاس کئی آپشن ہونے کی وجہ سے کپتان کو مشکل فیصلے کرنا پڑجاتے ہیں۔